It's almost 2pm! I have to leave at 4 in order to catch a minicab to Stansted at 5! Only 2 hrs left. Can I finish all my work? Very anxious now!

同樣道理，我會在網上看金庸小說，但亦會看自己買的印刷本，甚至打算搬屋後從大陸訂一整套金庸過來。我覺得書跟電腦程式或電影不一樣，真正好的書，無論是小說還是工具書，只要寫得好，是不愁沒人買的。始終電子版跟真正印刷品的對閱讀經驗有很大分別。

雖然現在我在網上下載了很多書，但這不代表我不會不買書或完全不付錢買pattern，事實上我現在買的雜誌可能比以前還要多一點點。我不覺得在網上下載會讓我不消費，因為網上很多書其實只有一個pattern我會喜歡，甚至一個也沒有。就算我找不到免費版，我也不會付錢買的。

晚晚又在網上找到幾本編織書，都是以織襪子為主的。我對織襪子的興趣不是很大，但project比較小，容易攜帶，在tube上火車上餐廳內拿出來織也不至太礙眼。

父母訂了機票於明年二月初農曆新年前後來倫敦，共有十一天，暫時未決定要怎麼去玩，可能有一半時間留在英國，另一半找個地方玩玩吧。巴黎可以搭火車去最方便，但布達佩斯也不錯，因為可以浸溫泉! 又或者去一些我也沒去過的地方吧，例如葡萄牙食葡撻?

我決定如果真係有marketing工，只要係倫敦(Surrey都可以)，只要係有training，人工少我都做架。咁我冇經驗嘛，唔可以要求d乜。而家最緊要可以入到個門檻，將來先有其他機會。而且Marketing或data analyst無論如何都比Economist的市場大好多嘛。

有agent聯絡我，問我有冇興趣做一份marketing analyst的工，但份工係要有campaign analysis的經驗，但係我冇囉，雖然係學校學過同做過。

老實講，我下年其中一個目標係用較專業的acid dye染到靚同完全唔甩色的冷，然後係Etsy開一間網店去賣。就算賣得出一卷兩卷我都會好開心。唔係為左賺錢，其實都賺唔到錢，因為我無可能大量source到平價的白色冷，所以最多打和。但可以靠自己的能力同技巧做出獨一無二的野去賺錢，係我好想好想做的一件事。

但買完wheel之後，我未會少左時間織野同染冷囉。我估我暫時黎講都係鍾意染冷多d，£210可以夠我染差唔多四十卷冷啦。我唔覺得自己可以係染完40卷冷之後成為高手，但點都會有進步掛。

CC話我其實都冇乜嗜好，玩黎玩去都係織野同毛線啫(係囉係囉未就係囉)，咁其實買都唔係好過份喎。其實個wheel賣£210，雖然唔平，但都唔貴。咁如果我真係好鍾意，買都無妨呀...

我。好。心。動。想。買。個。wheel。呀。呢個seller得返一個咋。十一月一日會加價，加多10個巴仙。但我仲未決定買唔買好呀。我好想要。但又覺得自己唔應該無端端買多樣玩具返屋企。

"Statistics show that everyday in the UK: 18,000 people move house, 1,600 people die, 20,000 used vehicles change hands" (Experian)

剛找到一份伊朗中央銀行出的報告。我喜歡開首那一頁，寫著 In the name of God, the Compassionate, the Merciful. 另外報告中用的年份是以波斯年曆算的。Wiki說原來波斯曆比我們用的西曆(Gregorian Calendar)更準確呢。

有同事週末去完「吉百利朱古力世界」，攪到我都有d想去。其實英國仲有好多地方想去，例如legoland(雖然我想去丹麥嗰個多d)，仲有peak district，仲有Jurasic Coast，連倫敦西的的Richmond Park我都未去過。話時話而家又到鹿的發情期，好適合去Richmond影鹿..

有時我會好奇究竟嗰d英文名叫Fanny的香港人，知唔知呢個字係英文俗語有特別意思呢? 唔... 呢個字無論係美式定係英式英文都唔係好野。我相信佢地細細個改呢個英文名時唔會知道，但若果大個左之後知道左，會唔會因為用得耐慣左所以唔介意? 定係佢地而家都唔知呢?

我間公司成日話自己好環保，又話咩咩有政策減少carbon emission，但睇下我地絕大部份人都冇自己的水杯，每日平均用6至8隻膠杯或紙杯.. d 紙杯仲要係唔可以recycle的蠟杯添。

今朝見到我頂冷帽終於完全乾晒，好奇怪，頂帽好似細左唔少，可能因為之前洗完未乾透仲有水份係入面所以先咁巨型??? 而家睇落個size好似ok喎。雖然都係有少少大，但睇落我覺得ok，就算唔送得俾人，我都會想留返俾自己戴喎。

朝早搭tube返工時織左幾行，頭先lunch又織左成個鐘頭，我終於織完第二隻袖啦。今晚可以開始同個身「合體」，然後一齊織個領啦。

昨天S身體不適，所以我回家後就在做家務。先去肉店買碎牛肉，然後煲粥，之後洗碗，飯後還切了水果。因為這麼忙，所以原本以為一晚可以織完的袖子，只織了一半。我忽然發現，原來我很久沒有做這麼多的家務了。這陣子都是他在做。他知道編織能令我忘記上班的不快，所以就自己擔起大部份家務，讓我回家後幾乎甚麼的不用幹。

我話，不如我地交換聖誕禮物啦。我買一本ebook reader俾你啦。佢話，咁你係咪想我買一個spinning wheel黎同你交換呀? 呵呵呵呵，你點知架... :D

有時我會希望S想早點返去。英國，最起碼倫敦，真係越黎越艱難。唔計澳洲，就算香港都好景過倫敦。不過而家S個老闆好似好鍾意佢，仲話想遲d想升佢職，佢可能暫時都唔想走住掛....

唔得要講埋呢樣先。星期六同我地食飯個朋友打算一月返澳洲啦。睇黎英國真係越黎越唔吸引。呢度而家搵工平均要三個月，澳洲係一個月。而呢度二百磅一星期只可以住到我地呢種細細地個區又麻麻地的一房，同樣價錢係悉尼住到有全海景左有雪梨橋右有歌劇院的新apartment。

呀，仲有，英國轉返標準時間啦，星期日開始個鐘較慢左一個鐘，所以而家慢香港六個鐘，我朝早同爸媽講電話都容易少少lu....

你睇下我無聊得幾緊要，打左好多好無聊的post... 好啦，而家做下野先... 轉頭諗到其他野先再打過... :D

講起TVB，其實我本來有d心動想睇「宮心計」，但睇完個劇情簡介，就即刻覺得太似「大長今」，又似「女人天下」。唔明無記點解過左咁耐先去抄。另外我睇左少少「珠光寶氣」，但後來見到套戲咁長，又多轉折，所以放棄lu...

我呢幾日睇左好多電視，都係網上睇的。有Desperate Housewives第六季頭四集，仲有大陸「封神榜」。林心如做妲己實在太過唔似啦。同埋有d特技真係好唔得，好2D。不過劇情都唔錯，應該點都好過TVB那些狂抄日韓劇的劇集掛。

我個人相信求婚應該要有介指同花。但唔知呢d係咪norm呢。

跟住夜晚我地買左牛肉返黎自己整越南牛肉粉。都幾好食不過唔知係咪d牛肉太生，所以S食完喉嚨痛仲病病地添呀。我打算今晚煲碎牛粥，不過唔知會唔會其實太熱氣呢又...

其實去whole foods我主要想買Tazo的Lotus Tea茶包，點知英國Whole Foods都冇。唉。莫非我真係要online訂?但郵費都貴死人，算啦，將來有機會先去美國買啦。

然後我地搭tube去左kensington high street，不過倫敦地鐵最近好差，又有訊號故障，攪到要轉車。去kensington係為左Whole Foods，以前係美國樓下有一間，雖然貴過一般超市好多，但真係新鮮d光猛d又超級方便，唔駛落大雪時仲要搭成個鐘巴士去Jewel一包二包攞返屋企。

之後去左隔離間 National Army Museum。感覺不錯，令我對英國過去和現在的戰爭歴史加深了認識。最令我驚訝的係，原來最後一個係北愛因為共和軍(IRA)死的人，係在今年3月死的，我上年12月去北愛時仲以為IRA已經係陳年舊事，以為北愛好安全!!

星期六去左Gordon Ramsay旗下係Chelsea的 Foxtrot Oscar餐廳。午餐無飲料人均收費£25。無論裝修且服務水準其實都係一般，完全唔值呢個價錢呀。我覺得上次Greenwich的North Pole好食好多囉。

希望今晚可以織完另一隻袖，星期三晚可以完成全件就好啦，因為S父母星期四夜晚到，然後週末要去都柏林。另外我要再趕起一頂帽俾朋友做生日禮物，所以，真係要趕工呀。

我呢兩日開始緊織件冷衫，款式超簡單，幾乎只係平針，所以我都係一路睇「封神榜」一路織。織左三日，琴日已經織完個身同大半隻袖。織多一隻袖之後仲要將衫身同袖連起，再繼續織個大領位(yoke)。

同埋今朝終於執完份CV。上網睇左一堆工，都冇乜邊份真係好合適，雖然我都打算勉強報幾份，但機會真係好微。我諗我而家呢個位的行頭都算好窄，如果前兩年好景都唔難轉到其他近似但唔一樣的工作，但而家英國個市太壞，有一大堆合適的人都係度排隊等住搵工... 我諗我唯有耐心d日日睇住d搵工網站啦。

不過話說上星期四當我心情極惡劣時，我問左HR如果辭職點計d假。佢話11月14日前走，pro rata 假期有7日，15日之後走，就係9.5日，我問如果我想12月20日走呢，咁就有12日。我到而家都唔多知佢係點計出黎的，但我暫時希望自己可以忍到12月中先出聲...

今個星期老闆都唔係度。雖然唔係冇野做，但起碼唔會有那種趕頭趕命即刻要但又唔知邊度搵的 data request。所以我心情大好呀!!!!

做完啦份 Benelux... 做左一個鐘。而家我要休息，因為我真係好頭痛，周身痛。最好唔係swine flu啦，我中唔緊要最多請病假，但我隔離位人兄係冇有薪病假的。所以... 我唔可以傳染俾佢架...

而家三點半，開始再執那份Benelux Update，其實已經七七八八，而家係改返d格式同check grammar。希望1.5小時內可以做完，然後開波整埋份CV。

好想食蒸魚。期待快點搬新屋，到時Billingsgate魚市場雖不至近在咫尺，但也算就近。到時五點起床跑去買條鱸魚回家蒸，豈不樂哉?

今天要做的可多著。上午: 吃粒必理痛後再多睡一會，然後洗碗。之後中午同S食飯，跟住返黎做埋份工作A，然後執埋份CV。就咁話啦。

今天放病假。頭痛得很，好像還有點發熱。寫電郵告訴老闆不能上班，請他把工作A的三份文件傳過來，說我下午會完成。他的反應是，那另外的工作B怎樣辦? 作為一個病人，看到這種回應，真不知道可以有甚麼想法。

我。要。學。織。瀉。膞。

前晚睇左係圖書館租返黎的 The Butterfly Effect 3，都幾得人驚。其實我都相信時間只係一個dimension，亦相信有時間旅行這種事。只不過係我地太無能做唔到。「夏蟲不可語冰」不也是這意思嗎?

咁快又到2:40！好，我要4:30前做完 Luxembourg。然後做其他files。或者今晚要OT... 都係唔好，寧願聽日早d返好過。

點解真係有人黎睇我呢個自言自語blog呢？我寫黎純粹為左減壓兼解悶兼練習倉頡架咋喎。

我都想係canary wharf 返工呀! 人工少d都得。反正我決定左唔做 Tier 1 架啦。

仲有呢排我會pack三文治做早餐同午餐。真係平好多，我買麵包雞肉火雞肉芝士，加埋大約£4-5，但可以食到大約3-4日，即每日一磅多少少。以前我係樓下超市買兩餐現成三文治大約要£3-4一日。平均每日慳返£2，一個月返22日工，即一個月慳返£44。£44夠搭巴士回架蘇格蘭來啦!

頂冷帽又織左10行啦。原本普通的版本再織多15行就織完。但因為我朋友話佢個頭算大，所以我打算織「特鬆」版本，要織多25行。如果今晚得閒織兩三個鐘，應該有可能織得完!

剛剛lunch時間我冇留係位度整CV，罪過罪過。因為好多人經過我又唔想咁明目張膽俾人睇到我想搵工，所以我去左四樓的common room 食我pack左的三文治，之後織左45分鐘野。

Am going to update my CV during lunch and make sure to send it out for a few posts tonight. In the worst case, I'll quit even b4 securing another job.

Ok. I don't hate writing econ/construction report but I hate working with my boss. He makes lots of suggestion w/o considering the feasibility.

Get a new task: a report with econ & construction overview in Iran. My boss isn't here today & said he's gonna talk about it tmr. Sigh. I hate it.

Just checked Cath Kidston website. Don't think I wanna spend £40-55 for a plastic tote though it's very beautiful. Maybe later.

I want a CATH KIDSTON bag. I need a tote bag to bring my sandwiches & knitting projects... ok. I am making excuses. I simply love its floral patterns!

琴晚九點幾開始起針織一頂冷帽。織到十二點幾，大約織左三分之一啦。暫時進展良好，我覺得幾靚添呀。如果織得唔太肉酸的話，會係送俾wings的生日禮物。

好嬲。我張小王子法郎因為太遲未攞，而家打返轉頭，寄返俾個seller。頂。無端端要俾多£1.5已經唔抵，加上而家RMail又又又罷工，唔知件野幾時先返到去，又唔知幾時再返到黎倫敦。好想講粗口囉。

在google搜尋倫敦有關spinning的workshop，找到一家蠻像樣的，當我看看它的詳細地址時，才發現此倫敦不同彼倫敦。原來那店在加拿大的倫敦。噢...

好唔開心呀。我睇返上個月張糧單，原來我第一個月俾24%稅係因為開頭的稅階低。上個月我要俾30%稅啦。我好唔開心因為我覺得好唔抵，我都冇乜用過英國的福利。不過調轉頭諗，因為我要交三成稅，所以我就算搵過一份賺少五千的工作，咁除稅後其實只係少三千五... 雖然三千五都唔係小數目...

暫時老闆去左開會。睇黎佢今日比較忙冇乜時間煩我，所以應該可以專心做下野。其實講起真係好荒謬，老闆越係度，就越要花時間應酬佢，開會、討論等等大多對實際工作沒作用。

今晚有個生日dinner，但我唔想去。我都唔識個人，成班人都唔識。唔係話唔想識新朋友，但真係一個都唔識所以唔係好提得起興趣。同埋£££都係一個concern，唔想無端端洗幾十磅。

好想快d搬屋，搬完就可以砌我盒 The Simpsons 砌圖啦!

我想去剪頭髮。今次想剪短d，所以想搵間好少少的去剪，諗緊去tony & guy 定係 hands 定係 swiss cottage呢....但其實我真係唔捨得俾£45剪一次頭髮...而家覺得賺錢真係有血有汗的，有錢剩我係應該儲起或者俾屋企人嘛...

ok，本來覺得唔想結婚或無需要的結婚的我，最近的確在商量和考慮這件事。對我來說，結婚不等於婚宴或無聊遊戲或請幾十枱不相熟的人然後老屈他們每人交$800人情去sponsor新娘一晚換七套衫。我想結婚，因為我想，唔係我需要。我唔需要係咩三十幾多歲前結婚，亦唔駛趕生仔。

好傷心。bid唔到套The Simpsons大富翁。:(

佢最後先至不情不願攞返隻杯出黎放入「不能回收」。我有d唔好意思講左sorry，點知條白痴鬼佬仲大大聲話「咁呢隻係紙杯呀嘛」。.... 究竟係我呢幢大厦特別多白痴鬼佬，定係我以前香港的同事太聰明？

頭先係茶水間見到個鬼佬將隻wax cup(硬身有蠟面用黎裝熱飲的紙杯）放入回收箱，我好自然想出聲，本來忍住左但俾佢發現仲問我有乜問題？於是我未話呢個唔回收得，佢跟住望左望，冇打算做d乜，於是我指一指回收箱上面的圖片，上面寫明wax cup要放係「不能回收」那邊的。

琴日下午係holborn地鐵站門口見到有一堆人，睇真d 原來係 Tesco 派野食，我都唔執書地攞左一份，係Tesco Finest 的 Sicilian Lemon Tirmisu，另外見到有人攞左quiche。最初我以為係即日到期的貨，但原來唔係喎！不過我仲未食，唔知味道點樣...

亞steph 琴日話唔鍾意我個blogspot新blog，佢話好似word，唔靚喎...

我其實真係有歧視的。我覺得英國人好似真係普遍比香港人蠢d...

今朝發生左好多事。首先，係馬路見到隻死雀的屍體，啋啋啋...。然後，發現自己冇帶入公司門口的access card。之後，就聽到「鵬」一聲巨響，原來有人拖住行李入旋轉門，行得慢整欄左道門囉。

無論別人希罕與否，我覺得能夠寬恕別人，也算是一種成就。

的確，做得唔好的事，係好難鍾意的。所以我都唔鍾意打golf，亦唔鍾意壁球，更唔鍾意日文。

上網見到有人織左一張任天堂Super Mario 的公仔被。都幾得意架，尤其係個1 up 綠色磨菇。不過唔知點解我由細到大都唔係特別鍾意 Mario，可能因為我玩得差，成日都過唔到關啦。

我。唔。會。辭。職。住。我仲可以忍多一陣。返多一日就多百幾磅落袋。返多五日就夠我地兩個聖誕節去冰島啦。所以我會忍。忍忍忍忍忍。

我做晒今日d野啦。其實仲有野要做，但留返聽日啦。我今日八點半返到黎，中午食左45分鐘老闆就叫我做野啦。所以，我希望今日可以五點三開始執野走啦！！！

我張小王子法郎應該到左啦，但琴日我唔係屋企所以簽收唔到。剛剛中午S幫我去郵局攞，點知今日Royal Mail 又罷工，得d義工做野，我封信又未返到郵局，所以可能有排等囉....

英磅應該會繼續跌，我地正考慮開一個position去hedging。朋友C都有同一個打算，不過佢想放錢係一籃子亞洲貨幣。我地仲未決定，暫時想睇澳元 + 美元或歐羅。歐羅已經升左好多，升到中央銀行個阿頭都出聲，所以有d擔心佢會跌。要再諗諗。

前幾日人地個前女友send電郵黎叫人地幫佢改CV... 我其實冇唔開心，不過我唔會話開心囉。同埋唔明點解咁多人唔搵要搵前男友喎。講完啦。再重申，我冇唔開心囉，只係唔明白囉。真係講完啦。

澳洲朋友Kylie成日都話有一日若我去澳洲，我地一定可以夾份開一間shop，係網上賣自己紡同染的毛線。如果係都唔錯，有一份唔太鍾意但養到自己的正職，再加一份賺好少但真心鍾意的副業，睇怕係好多好多人的夢想吧？

原來250克的公仔綿好大舊架，大約有一個薄枕頭咁厚! 好似可以用黎塞滿10隻公仔。

琴日我訂的新毛線到了。總共有11舊，仲有250的公仔綿。因為全部都係廉價毛冷，所以連郵費都唔駛£20。我係打算用黎織公仔架，除左Pudsey Bear，仲有聖誕樹呀聖誔老人咁啦。

My Working Holiday To-Do-List: Job hunting? checked! Got a job? checked! Confronting my boss? checked!

我呢幾日要做的係一份benelux report。話就話只係更新，但其實要由頭做過。Be Ne Lux 呀，即係比利時荷蘭盧森堡三個國家! 都唔知邊度搵資料好...

我估我好快會轉返去用wordpress啦。雖然話好快，但呢兩日應該都冇時間，今個星期連返工都好多野做，又要開始執屋，好唔得閒呀。

我訂黎織pudsey的毛冷到左啦，今晚可以開工織公仔啦！

琴日呢度火燭呀！其實唔係我公司，不過好似係頂樓唔知咩通風糟定咩著火囉。總之好大件事，我地幾百人疏散左去公園，最後仲唔駛返工添。我影左相，等我今晚得閒upload啦... :D

該煨，我office嘈到嘔，好彩我有iPod同 shure 「傍身」，而家聽緊巴哈的 Well Tempered Clavier。

落左£200訂啦！希望今次順順利利租得成啦。

怎麼現在還有人夠膽做 couch surfer睡在陌生人的沙發上。我明白喜歡旅行的人會想盡辦法省錢以多去幾個地方，但沒甚麼比人身安全更重要。可能早陣子那個被人強姦的香港女生只是特別不幸，但誰知不幸甚麼時候降臨在自己身上呢? 第一次遇上這種事的是不幸，但以後的則是明知不可為而為之，是自找的了。

The landlord asked for £250. We made an offer at £210. Now we got a deal at £220! £220 pw for a two-bedroom in Docklands. Sounds alright. Isn't it?

寫俾自己的 Fibre notes: Merino太幼太滑不適合初學者。應該買 BFL 或者 Corriedale。

剛剛係地鐵上面睇交換返黎的舊雜誌，睇到Fyberspates老闆篇訪問，原來佢以前係大學的心理學部門做research(佢而家仲寫緊篇博士論文講編織的治療效果!)，後來偶然情況下變左以染冷做職業! 好似外國比較多人夠膽放膽為自己興趣同理想去冒險...

同人交換返黎的四本雜誌從蘇格蘭寄到黎啦。好。開。心。呀!!! 今次係我第二次攞舊的編織書同人交換，我發現自己真係超鍾意呢種以物易物的遊戲。

今日早陣子見雲小姐話唔明點解d人會去vegas做嗰件事，我而家明啦。

我好想趁lunch搭兩個站tube去唐人街旺記食碟頭飯。但如果做唔晒野趕唔完個weekly，最後未又係要自己留係度OT... 算啦，我今日的目標係準時4點半走... 係呀，星期五係可以四點半走的，但咁耐以黎我最早只係試過四點九走，希望今日可以打破紀錄啦。

怎麼今天這麼的冷。坐在辦公室內也覺寒氣重重的。雖說已經是星期五中午，只有半天，不，只有四個多小時就拍拍屁股回家去，但人總是呆呆滯滯的，未能興奮起來。

我而家只係想食一餐好好的。其實唔駛好好，一餐食完暖笠笠的韓國燒烤已經可以令我好開心啦。P.S. 我唔係唔開心，不過有 d 饑寒交逼咁囉...

琴日放工冇join到S佢地去飲野.. 其實我對落pub唔係好有興趣，因為覺得都幾貴，唔值嘛，琴日間pub又唔就腳係 Westbourne Park。於是我自己去左oxford circus行街，話係行街其實都係去John Lewis，我好乖呀，乜都冇買到呀！

訂！左！車！啦！我地十二月會經比利時去德國的Christmas Market! 除左我同S，仲有1-3個朋友一齊去。

我想我是少數不討厭周秀娜的女人吧。想來，那個年代我是很欣賞舒淇的，還有林熙蕾。

好悶呀，幾時放監呀... 係幾時放工先至真。

CRAP. Royal Mail is on strike AGAIN!

蛇王完畢，而家要update files啦。今次有9個files要做，我今朝做左一個，希望今日可以做多5個，留返3個聽朝早做。

我地決定左book車，十二月第二個星期去德國科隆啦。同埋聖誕節期間會去冰島幾日。

講起spinning，我諗我暫時唔會買個spinning wheel住啦。都係用住我個cheap cheap spindle 自己手動紡住先啦。遲d真係有興趣同有時間先再諗啦。

我係ravelry的一個織友教我，話初學spinning用 BFL 同 Shetland 比較容易喎。係呀，唔同羊的羊毛係唔同架，所以價錢亦唔同，但其實100克BFL都係£2.2左右，100克就算我唔出街，都夠我玩成個週末。越黎越覺得買貴毛線唔抵。

倫敦呢排真係凍左好多，今朝起身好似得八度咋！不過落左幾日雨今日終於放晴，有藍天添呀。雖然我要困係office冇得出去玩，但從落地大窗見到好天氣，心情都好d!

本來去左sainsbury想買三文治或沙律，但一摸上手，就凍到頂唔順，最後我走左去samurai食左一個泰式青咖喱飯。都唔明點解d鬼凍冰冰都可以日日食凍野。

其實 The Simpsons 真係唔係一套簡單的卡通片! 當中寸爆愚昧的美國人，又勁反映美國(或西方國方)的無知和偏見... 真係好好睇!

係玩具店搗亂左差唔多半個鐘，最後我買左一盒 The Simpsons 的特價 puzzle。上面有286個主角配角路人甲等等，好似 TVB 台慶宣傳片咁款架!

講開 Lego，我記得我係小學一年班時有第一套Lego，因為我一年班下學期考第一。不過由細到大好似只係考過3次第一，其餘次次唔係CC就係Cindy。

食飽飯無野做，我地兩個幾廿歲人學人行玩具店... 仲用相機影相添呀。而家d玩具真係好靚，但太花巧，都係以前簡簡單單的 Lego 最好玩。講真，d細路大個左十個著左七個都會一日最少八個鐘對住部電腦，不如趁而家玩下第二d玩具好過啦。

發現左一間叫dianne's的網店，專賣廉價毛冷。有一隻stylecraft merino DK 唔錯，或者可以用黎織一件Guernsey Sweater呀....

Simply Knitting 十一月號出左啦!!! 當然我都買左啦，因為今期有 BBC 隻單眼熊 Pudsey 呀! 好得意架!!!! 公仔設計師 Alan Dart 真係好有才華!

我張試用版 Taste london 卡寄左黎啦，頭先用左去 Real Greek食晚飯，有半價兩人夾埋大約18磅。其實都ok，不過對我黎講d野太鹹但S鍾意喎。好想等父母新年黎倫敦時同佢地去食一次。

剛剛食左份芝士葱(cheese and spring onion)三文治。Sainbury買的，£1咋！睇下幾慳家呀我!!!

唔知幾時先有機會食oakley的帶子同蠔呢？

呢度個個飲茶就算唔加糖都要加奶，叫親要 tea 其實就係冇糖但有奶的white tea。我到而家都唔慣，所以都只係會飲無糖無茶的black tea。

今日我開心d囉，其實係開心返晒囉。大家唔駛擔心。總之，工作不過係生活的一部份，老闆亦只係日常要面對的一大堆人之中的其中一個，所以我唔會俾自己因為一d小小的事同小小的人而影響自己的生活！

ok. 我懶! 我今晚冇上網搵工同更新CV，因為我地去左Bayswater食鴨，之後返黎我織左一陣冷衫，同埋大家一齊睇 The Simpsons (有新一季啦終於!)。找工作不急在今天，但拯救我的情緒卻是當務之急。美食、休息、娛樂，是令我復完的良藥。不過我還是很堅定，我要找工作。

Manager終於回覆S，說今年聖誕應該不會有forced leave。這對我們來說是一個好消息! 若無端端要放兩星期假，就少了半個月收入。加上聖誕旺季去那裡都貴，所以留在英國也好。不過我們仍然打算利用公眾假期那幾天到冰島去。

而家先發現，以前返工工時長唔算慘，而家成日溝通錯誤合作得好辛苦先慘。而家搵一樣野好似大海撈針，仲要次次都講唔清楚要邊支針，之後先改改改，老闆仲怪你得閒時唔自己潛落海睇清楚成個海床有d乜，分佈係邊。OK，或者佢啱，或者係我錯。但無論如何，就係大家唔夾囉。勉強冇幸福。呻完。講完。

好嬲。直頭嬲到想聽日就遞信辭職。而家冷靜落黎啦。但都決定要再搵工。唔等到十二月啦，今晚就update CV。

總括黎講，英國人真係好冇效率。不過另一方面亦可能同公司有關，可能以前舊公司的人太聰明太叻太有效率姐... 而家諗返，我以前香港的老闆同senior同其他同事大部份都好叻，一個人絕對抵得住英國兩個人。

我唔介意唔開呢個會... 其實我唔鍾意開會因為覺得大家成日為左開會而開浪費時間，有咩其實用email白紙黑字有根有據講清楚未仲好。Anyway，而家我都唔知點咁，行埋去又唔係，起身出去食飯又唔係...

我老闆明明話11點半同中東開電話會議，我都要開。點知佢上一個會遲左完攪到成12點先返埋位，然後而家我聽到佢自己打左去中東傾緊，唔知係因為唔記得左我定係搵唔到conference room去講。

琴晚經過一間特價書店，見到一本講salt dough的書！我估係類似香港的麵包花，用麵粉加鹽加水，再放入焗爐焗成。本書唔貴只係99p，不過我呢排都冇時間攪多樣野玩所以冇買，同埋我相信呢d小手工的資料，應該好容易係網上搵到。話時話屋企仲有一大包麵粉同鹽，所以遲d整下都好喎...

或者太多心，就甚麼事也幹不成。這幾天開始要找房子，又要計劃聖誕節旅行，還想幫父母看看農曆年來倫敦的機票... 然後自己又想看書、寫blog、織冷衫... 於是面對排山倒海一大堆事情，心早己慌，手腳也忙亂起來。或者我應該再重新安排時間。唉。懐念不用工作的日子。

4:45！我叫做算做晒今日的工作啦 ... 咳咳，雖然其實仲有幾個tasks，但呢d可以聽日甚至下星期先做所以唔算啦。好啦，而家剩返45分鐘就用黎... 上網啦!!

搬屋後，如果搬到大一點的地方，我會想要一個spinning wheel... 又或者，如果唔搬屋，就慳返幾百磅的地產經紀的介紹費，咁我抽一小部份買個spinning wheel都唔太過份啦？:D

剛才在網上的編織論壇登了一則小廣告，想把手頭上三本不常用的編織書換出，去換七八本編織雜誌。暫不知機會如何，但早陣子我也試過以一本織襪子的書換來兩卷純白的幼毛線，所以希望今次也能成功以物換物啦。

其實我當左呢個「自言自語」blog 係 twitter 啦，而且仲唔駛好似twitter咁有字數限制，打得好爽呀！唔知有冇辦法用widge將呢度寫的無聊野好似twitter 咁加到主網誌的sidebar呢？

本來想訂一舊冷準備同Kylie交換聖誕禮物，但我自己又暫時冇其他野想買喎（這其實是一件好事囉！我想盡量織左自己屋企有的毛冷先呀！），所以最後都係決定唔買住，等遲多一兩星期到我自己有野想買時先一次過訂啦。唔想無端端蝕郵費呀。

搬到現在的地方不經不覺已經四個多月，就快又到6 month break clause 的時間啦。我地本來想趁機搬去東面，但唔知點解東倫敦的租金好似貴左好多，唉...

剛剛係facebook睇到阿wings的相，先至記起自己七月中都去過Cornwall~! 個遊記仲係寫左一日就爛左尾冇寫埋第二日... 唉，唔得，我一定要d起心肝整好佢，就算只係post幾張相打幾行字都要攪掂佢!!!!

聽日又星期一啦... 又返工啦... 又開始depressed啦我... 不過好彩上星期五臨走前我老闆已經俾左一大堆成七個圖叫我做，聽日應該可以專心做data，唔駛又開會又要睇reading又要寫report...所以應該都唔會太難頂...

下午去左wetherspoon飲野，之後又去左camden的Hi Sushi，d野真係幾好食，不過d熱盤黎得太慢﹐到最後黎到時我地已經食壽司食到好飽，所以勁驚吃唔晒要俾人罰錢

今日經paypal過左少少錢俾表妹麻煩佢轉交俾爸爸. 難得爸爸對攝影有興趣，又難得佢睇中左一部相機，所以我想盡返少少綿力... 雖然唔係好多錢但都叫係一番心意，唔知佢最後會唔會買左450D呢?